القلب مايقبل اثنين

ياللي تبي قربي وترجي وصالي
قلبي مع اللي  خاطفينه من اسنين

مالك بقلبي لو بغيته مجالي
القلب مايقبل مع الحب الاثنين

اسهرت ليلي بين هم ن عنا لي
نجم ن  يسامرني واسامره بالعين

صورة حبيبي بالسما لي تلالي
الله واكبر ياخيال المحبـــــــين

قدره رفيع وشانه اليوم  عالي
شهم ن كريم ن لو طلبته يلبين

خلى ربوعه لاجل قلبي  سعى لي 
زوّد بوصله والهوى لي عذولين

شيٍ بقلبي من غرامه جرالي
ماكنت احسب ان الهوى له مجانين

كلمة احبه ماتبين مقالي
مليون احبه بل احبه ملايين

لبيه ..

قلبي يحبه وكل مابي يناديه

شوقي وعيني والهوى اللي اعانيه

لو هو غلط قلبي بحبه يساريه

بدمح خطاه ودربه اللي مشى فيه

مااقدر على بعده ولا اقدر  تجافيه

حبه بقلبي ورسم حرفه يحليه

لامن ظهر قلبي بشوفته يفديه

ولا غاب قلبي يدورعن اراضيه

بعض البشر ودك اذا  غاب تفديه 

والبعض منهم طلته ماتدانيه

يالله يادربي ويامصدر التيه

يانبض عمري نبع قلبي  وسواقيه

لو كان قلبك ينشرى لك انااشريه

 ولوهو صعيب الدرب والله لامشيه

دايم يشوف  بعين قلبي ويرضيه

يسعى يراضيني وانا اسعى اراضيه

لبيه ياجسر الهنا ولبيه بانيه

ولبيه ياكل الوفا لاجيت اناديه 

{ الصفحه الأخيره } { صفحه1 من 10 } { الصفحه التاليه }